वर्तमान टाईम्स | वृत्तसेवा:- सामाजिक सुरक्षा विभाग, पुणे शहर जुगार अड्डयावर छापा टाकुन २६ इसमावर कारवाई करून ०१,०३,९१०/- रू. किचा मुद्देमाल जप्त करण्यात आला आहे.
पुणे शहरामध्ये मागिल काही महिन्यांपूर्वी सामाजिक सुरक्षा विभागचाच बोलबाला होता परंतु मोजक्याच किंवा खात्रीशीर बातमी प्राप्त होईपर्यंत पुणे शहरातील सर्व अवैध्य धंदे राजरोस सुरू राहणार आहे काय.? असा सवाल नागरिकांकडून उपस्थित केला जात आहे.
सामाजिक सुरक्षा विभाग यांना आपल्या एका बातमीदार मार्फतीने खात्रीशीर बातमी मिळाली कि एका पत्र्याच्या शेडमध्ये काही व्यक्ती बेकायदेशीरपणे जुगार खेळत व खेळवत आहेत प्राप्त माहितीनुसार गुन्हे शाखेकडील अधिकारी व पोलीस अमंलदार यांनी गोपनियरित्या पाळत ठेवुन छापा टाकला असता, काही इसम बेकायदेशीर पैसे लावुन जुगार खेळत व खेळवत असल्याचे मिळुन आल्याने २५ इसमांना ताब्यात घेवुन त्यांचे कडून रोख रक्कम, मोबाईल व जुगाराचे साहित्य असा एकुण ०१,०३,९१० /- रू. चा मुद्देमाल जप्त करण्यात आला.
प्रकरणी जुगार खेळताना मिळुन आलेले इसम व एक पाहिजे आरोपी अशा २६ इसमांविरूध्द मुंढवा पोलीस स्टेशन येथे गुरनं. ०४ /२०२३, महाराष्ट्र जुगार बंदी अधिनियम कलम १२ (अ) अन्वये गुन्हा नोंद करण्यात आला असुन, त्यांना पुढील कारवाई करीता मुंढवा पोलीस स्टेशनच्या ताब्यात देण्यात आले आहे.
